"Вест Хэм" "Лион" ярим ҳимоячиси Лукас Пакетани ўз сафига қўшиб олмоқчи, дея хабар беради журналист Вене Касагранде.
Манбага кўра, инглиз клуби 24 ёшли бразилиялик учун 38 миллион евро таклиф қилмоқда.
Ушбу ёзда ярим ҳимоячига "Арсенал", "Манчестер Сити", "Тоттенхэм" ва "ПСЖ" клублари қизиқиш билдирган эди. Унинг француз клуби билан амалдаги шартномаси 2025 йилгача мўлжалланган.
Пакета ўтган мавсумда "Лион" сафида 43 та ўйинда 11 та гол урди ва 7 та голга ассистентлик қилди. Transfermarkt портали футболчининг нархини 35 миллион еврога баҳоламоқда.