"Chelsi" va "Ayaks" hujumkor yarim himoyachi Xakim Ziyeshni Niderlandiya klubiga qaytarish bo‘yicha muzokaralarning yangi bosqichini rejalashtirmoqda. Bu haqda italiyalik jurnalist Fabrisio Romano ijtimoiy tarmoqlardagi sahifasida xabar berdi.

Insayderning so‘zlariga ko‘ra, Ziyeshning ehtimoliy transferining kaliti “Ayaks”ning braziliyalik vingeri Antonining “Manchester Yunayted”ga o‘tishidir. Shu bilan birga, marokashlik futbolchi so‘nggi to‘rt kun ichida Niderlandiya klubi boshqaruvi a’zolari bilan ikkita uchrashuv o‘tkazishga muvaffaq bo‘ldi.

Ziyeshning “Chelsi” bilan amaldagi shartnomasi 2025 yilning 30 iyuniga qadar tuzilgan. Yarim himoyachi o‘tgan mavsumda London klubi safida barcha turnirlar doirasida 44 ta o‘yinda maydonga tushib, 8 ta gol urdi va 5 ta golli uzatmani amalga oshirdi.