"Челси" ва "Аякс" ҳужумкор ярим ҳимоячи Хаким Зиешни Нидерландия клубига қайтариш бўйича музокараларнинг янги босқичини режалаштирмоқда. Бу ҳақда италиялик журналист Фабрицио Романо ижтимоий тармоқлардаги саҳифасида хабар берди.

Инсайдернинг сўзларига кўра, Зиешнинг эҳтимолий трансферининг калити “Аякс”нинг бразилиялик вингери Антонининг “Манчестер Юнайтед”га ўтишидир. Шу билан бирга, марокашлик футболчи сўнгги тўрт кун ичида Нидерландия клуби бошқаруви аъзолари билан иккита учрашув ўтказишга муваффақ бўлди.

Зиешнинг “Челси” билан амалдаги шартномаси 2025 йилнинг 30 июнига қадар тузилган. Ярим ҳимоячи ўтган мавсумда Лондон клуби сафида барча турнирлар доирасида 44 та ўйинда майдонга тушиб, 8 та гол урди ва 5 та голли узатмани амалга оширди.