"Leypsig" "Chelsi" himoyachisi Trevor Chalobaga qiziqish bildirmoqda, deb xabar beradi Evening Standard.

Manbaning xabariga ko‘ra, nemis klubi yozgi transfer oynasi yopilguncha futbolchini ijaraga olmoqchi. "Buqalar" tarkibida Chaloba jarohat olgan Lukas Klostermanning o‘rnini bosa oladi. Avvalroq, ingliz futbolchisiga "Inter" va "Roma" klublari ham qiziqish bildirayotgani xabar qilingandi.

23 yoshli Chaloba o‘tgan mavsumda “Chelsi” safida barcha turnirlar doirasida 30 ta o‘yinda maydonga tushib, 4 ta gol urdi va 2 ta golli uzatmani amalga oshirdi. Uning klub bilan shartnomasi 2026 yilning yoziga qadar mo‘ljallangan.