"Лейпциг" "Челси" ҳимоячиси Тревор Чалобага қизиқиш билдирмоқда, деб хабар беради Evening Standard.
Манбанинг хабарига кўра, немис клуби ёзги трансфер ойнаси ёпилгунча футболчини ижарага олмоқчи. "Буқалар" таркибида Чалоба жароҳат олган Лукас Клостерманнинг ўрнини боса олади. Аввалроқ, инглиз футболчисига "Интер" ва "Рома" клублари ҳам қизиқиш билдираётгани хабар қилинганди.
23 ёшли Чалоба ўтган мавсумда “Челси” сафида барча турнирлар доирасида 30 та ўйинда майдонга тушиб, 4 та гол урди ва 2 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.
