"Everton" yarim himoyachisi Dele Alli "Beshiktosh"ga o‘tishga yaqin turibdi, deya xabar beradi jurnalist Fabrisio Romano.
Manbaga ko‘ra, 24 avgust, chorshanba kuni 26 yoshli ingliz futbolchisi ijara asosida Istanbul klubiga o‘tishini yakunlash uchun Istanbulga uchib ketadi.
Qayd etilishicha, bitim shartlarida sotib olish imkoniyati ham bo‘ladi. Shu bilan birga, klublar transfer summasi borasida haligacha kelishib olishmagan.
Agar "Everton" va "Beshiktosh" rozi bo‘lsa, yarim himoyachi 24 soat ichida tibbiy ko‘rikdan o‘tadi.
Joriy mavsumda Alli Angliya premer-ligasida "irislar" safida ikkita o‘yinda ishtirok etdi. Uning Mersisayd klubi bilan shartnomasi 2024 yilning 30 iyuniga qadar mo‘ljallangan.
