"Эвертон" ярим ҳимоячиси Деле Алли "Бешиктош"га ўтишга яқин турибди, дея хабар беради журналист Фабрицио Романо.
Манбага кўра, 24 август, чоршанба куни 26 ёшли инглиз футболчиси ижара асосида Истанбул клубига ўтишини якунлаш учун Истанбулга учиб кетади.
Қайд этилишича, битим шартларида сотиб олиш имконияти ҳам бўлади. Шу билан бирга, клублар трансфер суммаси борасида ҳалигача келишиб олишмаган.
Агар "Эвертон" ва "Бешиктош" рози бўлса, ярим ҳимоячи 24 соат ичида тиббий кўрикдан ўтади.
Жорий мавсумда Алли Англия премер-лигасида "ирислар" сафида иккита ўйинда иштирок этди. Унинг Мерсисайд клуби билан шартномаси 2024 йилнинг 30 июнига қадар мўлжалланган.