“Milan” hujumchisi Rafael Leau faoliyatini Angliyada davom ettirishi mumkin. La Gazette Dello Sport nashri xabariga ko‘ra, 23 yoshli portugaliyalik futbolchiga "Chelsi" qiziqish bildirmoqda.
Manbaga ko‘ra, "ko‘klar" portugaliyalik futbolchi uchun taxminan 120 million yevro to‘lashga tayyor.
Leauning amaldagi shartnomasi 2024 yilgacha mo‘ljallangan. Transfermarkt portali futbolchining narxini 70 million yevroga baholamoqda.
Portugaliyalik futbolchi 2019 yilning avgustidan beri “Milan”da to‘p tepmoqda. U milanliklar safida 117 uchrashuvda 27 ta gol urdi va 21 ta golli uzatmani amalga oshirdi.
