"Yuventus" klubi hujumchi Memfis Depayga so‘nggi taklifni yubormoqchi.
Sport Mediaset xabariga ko‘ra, Turin klubi "Marsel" hujumchisi Arkadiush Milik bilan kelishib bo‘lgan, biroq hujjatlarni rasmiylashtirishdan oldin "Barselona" futbolchisini yana qo‘lga kiritishga harakat qiladi.
"Byankonerilar"ga Depay ko‘proq yoqadi, lekin ular uning maosh talablarini haddan tashqari yuqori deb hisoblashadi va muzokaralar muvaffaqiyatiga deyarli ishonmaydilar.
Niderlandiyalik futbolchi bonuslarni hisobga olgan holda mavsum uchun taxminan 10 million yevro olmoqchi. Turinliklar 5-6 million to‘lashga tayyor. Agar hozir murosa topilmasa, futbolchini transfer qilish masalasi kun tartibidan olib tashlanadi.
