O‘zbekiston kubogi nimchorak finalidan o‘rin olgan AGMK - "Metallurg" o‘yinidan so‘ng mehmonlar bosh murabbiyi Luisma Ernandes matbuot anjumanida qatnashdi.

O‘yin haqida
- O‘yinchilarimning bugungi o‘yinlaridan mamnunman. Biz himoyada ham, hujumda ham yaxshi o‘ynadik. Faqatgina, ba’zi o‘yinchilarimning individual xatolaridan va o‘yinga bo‘lgan munosabatlaridan biroz hafaman. Bu masalani klub bilan tez orada ko‘rib chiqamiz.

- Bugun yosh futbolchilar o‘yinidan qanchalik ko‘nglingiz to‘ldi? Nega gol urgan o‘yinchi darxol almashtirildi?
- Umuman olganda, gol urganimizda o‘yin tugashiga kam vaqt qolgandi. Biz gol urgan futbolchini keyingi o‘yinga asrash maqsadida almashtirgandik. Men o‘zgartirishlar borasidagi qoidalardan noroziman. Hozirgi qoidalar asosiy vaqtning o‘zidagina beshta o‘yinchi almashtirish imkoniyatini bermoqda. Bunaqasi FIFA qoidalariga ham to‘g‘ri kelmaydi. Bunday har qanday murabbiyni shoshirishga olib keladi. Shu tomonidan biroz noroziman.

- Aynan qaysi holat FIFA qoidalariga mos kelmaydi? Murabbiy buni tushuntirib bera oladimi?
- Nega asosiy vaqtda beshta o‘zgarishni amalga oshirish shart, qo‘shimcha bo‘limlarda esa faqat bitta o‘zgarishga ruxsat berilmoqda? O‘zgartirishlar borasidagi bandning o‘zi o‘zgartirilishi kerak. Masalan, men uch o‘yinchimni ekstra taymga olib qo‘ymoqchi edim. Hozirgi qoidalar bo‘yicha beshta o‘yinchini ham asosiy vaqtda o‘zgartirishga to‘g‘ri kelar ekan. Bu qonun-qoidalarga tushunmadim va noroziman.

- Jarohatlangan o‘yinchilarning keyingi o‘yinga tushish ehtimoli qancha?
- Bugungi o‘yinda maydonga tushgan ba’zi futbolchilarda ham jarohat bor edi. Shu sabab ham ularni "Qo‘qon"ga qarshi o‘ying uchun asrashga harakat qildik. G‘alaba bilan AGMK jamoasini tabriklayman. Mehnat qilishda davom etamiz.