Huquqlari Avstriyaning "Shturm" klubiga tegishli bo‘lgan daniyalik umidli hujumchi Rasmus Xyoylunn Italiya chempionatiga o‘tishga yaqin turibdi. Bu haqda insayder Fabrisio Romano ijtimoiy tarmoqlar orqali ma’lum qildi.
Manbaga ko‘ra, 19 yoshli futbolchini sotib olishga "Atalanta" qiziqish bildirmoqda. Bergamoliklar rahbariyati futbolchini sotib olish uchun 17 million yevro ajratishga tayyor. Rasmus shartnomani imzolash uchun shu hafta Bergamoga uchishi kutilmoqda.
Joriy mavsumda Xyoylunn “Shturm” safida 8 ta o‘yinda maydonga tushib, 6 ta gol urdi va 3 ta golli uzatmani amalga oshirdi. Transfrmarkt portali hujumchini 4,5 millionga baholagan.
