Ҳуқуқлари Австриянинг "Штурм" клубига тегишли бўлган даниялик умидли ҳужумчи Расмус Хёйлунн Италия чемпионатига ўтишга яқин турибди. Бу ҳақда инсайдер Фабрицио Романо ижтимоий тармоқлар орқали маълум қилди.
Манбага кўра, 19 ёшли футболчини сотиб олишга "Аталанта" қизиқиш билдирмоқда. Бергамоликлар раҳбарияти футболчини сотиб олиш учун 17 миллион евро ажратишга тайёр. Расмус шартномани имзолаш учун шу ҳафта Бергамога учиши кутилмоқда.
Жорий мавсумда Хёйлунн “Штурм” сафида 8 та ўйинда майдонга тушиб, 6 та гол урди ва 3 та голли узатмани амалга оширди. Transfrmarkt портали ҳужумчини 4,5 миллионга баҳолаган.
