Saudiya Arabistonining "An-Nasr" klubi yarim himoyachisi Jaloliddin Masharipov faoliyatini Misrning "Al-Ahli" klubida davom ettirishi haqida xabar berib o‘tgandik. 28 yoshli futbolchi kecha o‘z jamoasi bilan xayrlashdi hamda yangi jamoasi uchun tibbiy ko‘rikdan o‘tdi.

Hamyurtimiz endi Qohira shahri jamoasi bilan shartnoma imzolaydi va shundan so‘ng Misrga yo‘l oladi. Mazkur shartnoma 3 yillik bo‘lishi kutilmoqda.

Eslatib o‘tamiz, misrliklar o‘zbekistonlik futbolchini bir yilga ijaraga olib, buning uchun saudiyaliklarga 600 ming dollar to‘lashadi. "Al-Ahli" kelasi mavsumda uning transfer huquqini 2 million dollarga sotib oladi. Bundan tashqari, Masharipovning yillik maoshi 1,5 million dollarga teng bo‘ladi.

Misr chempionati yakunlanishiga 2 tur qoldi. Jaloliddin katta ehtimol bilan yangi mavsumda "Al-Ahli" safida o‘yinlarda ishtirok eta boshlaydi. Yanga mavsum esa oktyabr oyida start oladi.