Fransiya terma jamoasi va “Manchester Yunayted”ning sobiq himoyachisi Patris Evra o‘zining ishonchsiz o‘yini uchun tez-tez tanqid qilinadigan futbolchi Garri Maguayrni himoya qildi.
"Menimcha, odamlar Maguayrga nisbatan qattiqqo‘llik qilmoqda. Menimcha, agar u besh millionga sotib olinganida, hamma boshqacha gapirayotgan bo‘lardi. Shunda hamma undan hayratda qolgan bo‘lardi.
Har bir futbolchining yomon o‘yinlari bo‘ladi. Endi Garri yaxshi jang qilishi mumkin bo‘lgan payt keldi, lekin odamlar hali ham uning o‘yinidan qoniqish hosil qilishmayapti", - dedi sobiq futbolchi AS bilan suhbatda.
Eslatib o‘tamiz, "qizil iblislar" Maguayrni 80 million funt sterlingga sotib olgandi. U bilan olti yillik shartnoma imzolandi.
