“Sevilya” serbiyalik yarim himoyachi Nemanya Gudelni Moskvaning “Dinamo” klubiga sotishga tayyor, deya xabar bermoqda “Sport-Ekspress”.
Manbaga ko‘ra, ispan klubi bir necha o‘yinchini sotish orqali maoshlarni tushirishga umuman qarshi emas, ulardan biri Gudel bo‘lishi mumkin. Biroq, hozircha ehtimoliy transfer bo‘yicha aniq ma’lumotlar yo‘q.
Avvalroq "Sevilya" sport direktori Ramon Monchi 30 yoshli futbolchining Rossiya klubiga o‘tishi mumkinligini qat’iyan rad etib, Gudel sotilmasligini aytgandi.
O‘tgan mavsumda yarim himoyachi andalusiyaliklar safida 28ta o‘yinda gol ura olmadi.
