"Nottingem Forest" klubi "Bordo"dan hujumchi Xvan Uy Chjo bilan shartnoma imzoladi.
Klub matbuot xizmati xabariga ko‘ra, janubiy koreyalik futbolchi 2022/23 yilgi mavsum yakuniga qadar Gresiyaning "Olimpiakos" klubiga ijaraga beriladi. Hujumchi bilan shartnoma muddati haqida ma’lumot berilmagan.
O‘tgan mavsumda Xvan "Bordo" safida barcha turnirlar doirasida 33 ta o‘yinda maydonga tushib, 11 ta gol urdi va 2 ta golga assistentlik qildi. Transfermarkt portali futbolchining narxini 7 million yevroga baholamoqda.