Urugvaylik mashhur hujumchi Edinson Kavani faoliyatini Ispaniyada davom ettirishni o‘zi uchun ustuvor variant sifatida biladi.
COPE nashrining xabar berishicha, Yevropa ligasi guruh bosqichi ishtirokchisi “Real Sosyedad” 35 yoshli urugvaylik futbolchi uchun kurashga kirishgan. Basklar klubi yetakchi hujumchisi Aleksandr Isakni "Nyukasl"ga sotib yuborganidan so‘ng uning o‘rniga potensial futbolchi qidirmoqda.
Shuningdek, Kavaniga “Valensiya” va “Vilyarreal” klublari qiziqish bildirgani ma’lum.
"Manchester Yunayted" bilan shartnomasi shu yilning 30 iyunida yakuniga etgan urugvaylik futbolchiga jahon chempionati oldidan o‘yin amaliyoti kerak.