Уругвайлик машҳур ҳужумчи Эдинсон Кавани фаолиятини Испанияда давом эттиришни ўзи учун устувор вариант сифатида билади.
COPE нашрининг хабар беришича, Европа лигаси гуруҳ босқичи иштирокчиси “Реал Сосьедад” 35 ёшли уругвайлик футболчи учун курашга киришган. Басклар клуби етакчи ҳужумчиси Александр Исакни "Ньюкасл"га сотиб юборганидан сўнг унинг ўрнига потенциал футболчи қидирмоқда.
Шунингдек, Каванига “Валенсия” ва “Вильярреал” клублари қизиқиш билдиргани маълум.
"Манчестер Юнайтед" билан шартномаси шу йилнинг 30 июнида якунига этган уругвайлик футболчига жаҳон чемпионати олдидан ўйин амалиёти керак.
