"Benfika" va Ukraina terma jamoasi hujumchisi Roman Yaremchukga "Sevilya" va "Everton" klublari qiziqish bildirmoqda, deb yozadi jurnalist Sasha Tavolyeri.
Manbaning xabariga ko‘ra, ispan va ingliz klublari yozgi transfer oynasi yopilguniga qadar futbolchini sotib olish variantini ko‘rib chiqmoqda. Hujumchiga nomi oshkor etilmagan Bundesliga klubi ham qiziqish bildirmoqda. "Benfika" ukrainalik futbolchini 20 million yevroga baholamoqda.
26 yoshli Yaremchuk joriy mavsumda “Benfika” safida beshta o‘yinda maydonga tushdi. U bitta golli uzatmani amalga oshirdi. Forvardning klub bilan shartnomasi 2026 yilning yoziga qadar mo‘ljallangan.
