"Бенфика" ва Украина терма жамоаси ҳужумчиси Роман Яремчукга "Севилья" ва "Эвертон" клублари қизиқиш билдирмоқда, деб ёзади журналист Саша Тавольери.
Манбанинг хабарига кўра, испан ва инглиз клублари ёзги трансфер ойнаси ёпилгунига қадар футболчини сотиб олиш вариантини кўриб чиқмоқда. Ҳужумчига номи ошкор этилмаган Бундеслига клуби ҳам қизиқиш билдирмоқда. "Бенфика" украиналик футболчини 20 миллион еврога баҳоламоқда.
26 ёшли Яремчук жорий мавсумда “Бенфика” сафида бешта ўйинда майдонга тушди. У битта голли узатмани амалга оширди. Форварднинг клуб билан шартномаси 2026 йилнинг ёзига қадар мўлжалланган.