Madridning “Atletiko” klubi “Tottenxem”ning ispaniyalik himoyachisi Serxio Regilonga qiziqish bildirmoqda.

Jurnalist-insayder Nikolo Skira ma’lumotiga ko‘ra, Madrid klubi ispaniyalik uchun kurashda yetakchi hisoblanadi. "Shporlar" futbolchi bilan xayrlashishga tayyor, chunki bosh murabbiy Antonio Kontening rejalariga kiritilmagan. Oldinroq "Real" tarbiyalanuvchisi bo‘lgan Regilonga "Lasio" ham qiziqish bildirayotgani xabar qilingandi.

25 yoshli Regilon o‘tgan mavsumda "Tottenxem" safida barcha turnirlarda 31 ta o‘yinda maydonga tushib, 2 ta gol urdi va 3 ta golli uzatmani amalga oshirdi. Uning klub bilan shartnomasi 2025 yilning yoziga qadar mo‘ljallangan.