"Barselona" rahbariyati niderlandiyalik yarim himoyachi Frenki de Yong bilan mehnat shartnomasi shartlarini qayta ko‘rib chiqish bo‘yicha muzokara o‘tkazdi.
Sport.es xabariga ko‘ra, yarim himoyachi "Kamp Nou"dagi o‘yinlarini davom ettirish uchun jamoa shartlarini qabul qilishga tayyor. Eslatib o‘tamiz, “Barselona” yarim himoyachining maoshini 40 foizga kamaytirishni talab qilmoqda.
Avvalroq kataloniyaliklar shartnoma shartlari bo‘yicha kelishmasa, Frenkini sotishi haqida xabar berilgandi. Futbolchiga davogarlar orasida “Chelsi”, “Manchester Yunayted” va “Liverpul” klublari bor edi.
De Yongning "ko‘k-anorranglilar" bilan shartnomasi 2026 yilning o‘rtalariga qadar tuzilgan va uning transfer narxi 60 million yevroni tashkil qiladi.
