"Барселона" раҳбарияти нидерландиялик ярим ҳимоячи Френки де Йонг билан меҳнат шартномаси шартларини қайта кўриб чиқиш бўйича музокара ўтказди.

Sport.es хабарига кўра, ярим ҳимоячи "Камп Ноу"даги ўйинларини давом эттириш учун жамоа шартларини қабул қилишга тайёр. Эслатиб ўтамиз, “Барселона” ярим ҳимоячининг маошини 40 фоизга камайтиришни талаб қилмоқда.

Аввалроқ каталонияликлар шартнома шартлари бўйича келишмаса, Френкини сотиши ҳақида хабар берилганди. Футболчига давогарлар орасида “Челси”, “Манчестер Юнайтед” ва “Ливерпуль” клублари бор эди.

Де Йонгнинг "кўк-анорранглилар" билан шартномаси 2026 йилнинг ўрталарига қадар тузилган ва унинг трансфер нархи 60 миллион еврони ташкил қилади.