"Nottingem Forest" "Atletiko Madrid" himoyachisi Renan Lodini qo‘lga kiritishga urinyapti. Insayder Fabrisio Romanoning so‘zlariga ko‘ra, “o‘rmonchilar” transfer oynasi yopilguniga qadar shartnomani yopishmoqchi.
Klublar o‘rtasidagi muzokaralar davom etmoqda. "Nottingem Forest" ham futbolchi bilan shaxsiy shartnoma shartlarini kelishib olishga harakat qilmoqda. Bitim 5 million yevroga ijara asosida amalga oshirilishi kerak, keyin esa 30 million yevroga sotib olish imkoniyati mavjud.
Lodi o‘tgan mavsumda La Ligada ikkita gol urdi va ikkita golli uzatmani amalga oshirdi.