"Milan" bosh murabbiyi Stefano Pioli Italiya chempionatining 3-turidan o‘rin olgan "Bolonya"ga (2:0) qarshi o‘yinni sarhisob qildi.

“Muxlislarimiz qarshisida o‘ynash har doim o‘zgacha, bu bizga ishtiyoq beradi, biz maydonda energiyaga aylanishga harakat qilamiz. Ammo biz bundan ham yaxshiroq o‘ynay olamiz. Jamoa ajoyib o‘yin ko‘rsatdi, xursandman.

De Ketelare ajoyib iste’dod egasi ekanligiga shubha yo‘q. Uning o‘sishi, jamoadoshlari bilan tanishishi normal holat. Bu biroz vaqt talab qiladigan jarayonlar", - dedi Pioli.

Italiya chempionatining 3 turidan so‘ng “Milan” 7 ochko bilan turnir jadvalida birinchi o‘ringa chiqib oldi. "Bolonya" bir ochko bilan 17-o‘rinda bormoqda.