"Милан" бош мураббийи Стефано Пиоли Италия чемпионатининг 3-туридан ўрин олган "Болонья"га (2:0) қарши ўйинни сарҳисоб қилди.
“Мухлисларимиз қаршисида ўйнаш ҳар доим ўзгача, бу бизга иштиёқ беради, биз майдонда энергияга айланишга ҳаракат қиламиз. Аммо биз бундан ҳам яхшироқ ўйнай оламиз. Жамоа ажойиб ўйин кўрсатди, хурсандман.
Де Кетеларе ажойиб истеъдод эгаси эканлигига шубҳа йўқ. Унинг ўсиши, жамоадошлари билан танишиши нормал ҳолат. Бу бироз вақт талаб қиладиган жараёнлар", - деди Пиоли.
Италия чемпионатининг 3 туридан сўнг “Милан” 7 очко билан турнир жадвалида биринчи ўринга чиқиб олди. "Болонья" бир очко билан 17-ўринда бормоқда.
