OAV xabariga ko‘ra, "Ayaks" va "Manchester Yunayted" Antonining transferi bo‘yicha kelisha olgan. Braziliyalik vinger uchun bonuslarni hisobga olgan holda "qizil iblislar" 100 million yevro to‘lashi aytilmoqda.
"Ayaks" bosh murabbiyi Alfred Shryoder bu mish-mishlarga izoh berdi.
“Hammasi pulga bog‘liq. Menimcha, bu achinarli. Bu bizning dunyomiz, bu juda achinarli va men bunday narsalarni ma’qullamayman. Kerakli o‘yinchimizni shunchaki berib yubormoqdamiz", deydi Shryoder.
Aytish joizki, Antoni “Ayaks”ning Gollandiya chempionatidagi so‘nggi ikki o‘yinida ishtirok etmadi. Braziliyalik futbolchi allaqachon «Old Trafford»da bo‘lsa kerak.
