ОАВ хабарига кўра, "Аякс" ва "Манчестер Юнайтед" Антонининг трансфери бўйича келиша олган. Бразилиялик вингер учун бонусларни ҳисобга олган ҳолда "қизил иблислар" 100 миллион евро тўлаши айтилмоқда.
"Аякс" бош мураббийи Альфред Шрёдер бу миш-мишларга изоҳ берди.
“Ҳаммаси пулга боғлиқ. Менимча, бу ачинарли. Бу бизнинг дунёмиз, бу жуда ачинарли ва мен бундай нарсаларни маъқулламайман. Керакли ўйинчимизни шунчаки бериб юбормоқдамиз", дейди Шрёдер.
Айтиш жоизки, Антони “Аякс”нинг Голландия чемпионатидаги сўнгги икки ўйинида иштирок этмади. Бразилиялик футболчи аллақачон «Олд Траффорд»да бўлса керак.
