Madridning “Real” klubi hujumchisi Karim Benzema Jahon futbolidagi eng nufuzli shaxsiy sovrin – "Oltin to‘p"ni qo‘lga kiritish imkoniyatlari haqida gapirdi.
"Nima bo‘lishini ko‘ramiz, ovoz berishni kutishimiz kerak. "Oltin to‘p" bolaligimdagi orzum. Endi men uni amalga oshirishdan unchalik uzoq emasman», - dedi GFFN bilan suhbatda.
Eslatib o‘tamiz, taqdirlash marosimi 17 oktyabr kuni Parijda bo‘lib o‘tadi.
O‘tgan mavsumda Benzema Ispaniya chempionligi va Chempionlar ligasida g‘olib chiqdi. Umuman olganda, 34 yoshli fransiyalik futbolchi "qaymoqranglilar" safida 46 ta o‘yin o‘tkazib, 44 ta gol urdi va 15 ta golli uzatmani amalga oshirdi.
