Superliganing 17-tur doirasidan o‘rin olgan “Qo‘qon-1912” – “Metallurg” uchrashuvi ertaga Bekobod shahrida bo‘lib o‘tadi. Mazkur bahs oldidan bu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.
O‘zaro o‘yinlar
Mazkur jamoalar shu kunga qadar O‘zbekiston chempionatlarida 25 marta to‘qnash kelishgan. O‘yinlarning o‘n bittasida futbolchilarimiz g‘alaba qozonishgan. O‘n ikkita uchrashuvda Bekobodliklar qo‘li baland kelgan. Ikkita bahsda g‘olib nomi aniqlanmagan.
To‘plar nisbati 34-36, "Metallurg" foydasiga. O‘zaro uchrashuvlarda "Qo‘qon-1912" jamoasi 35 ochkoni qo‘lga kiritgan. “Metallurg” hisobida esa 38 ochko mavjud.
Har ikki jamoa o‘rtasida bo‘lib o‘tgan so‘nggi 11ta uchrashuv natijalari bilan tanishing:
31.03.2022 Qo‘qon-1912 – Metallurg – 1:0
19.09.2021 Metallurg – Qo‘qon-1912 – 0:1
15.04.2021 “Qo‘qon-1912”- “Metallurg” 0-1
16.09.2020. Qo‘qon 1912 – Metallurg – 0:2
06.03. 2020 Metallurg – Qo‘qon 1912 1:0
30.10.2019. Qo‘qon 1912 – Metallurg – 2:3
27.04. 2019 Metallurg – Qo‘qon 1912 3:1
13.07.2018. Qo‘qon 1912 – Metallurg – 2:1
16.03. 2018 Metallurg – Qo‘qon 1912 1:0
22.09.2017 Metallurg – Qo‘qon 1912 3:0
22.04.2017. Qo‘qon 1912 – Metallurg – 3:0
Bekoboddagi o‘yinni Ilgiz Tantashev boshqarib boradi
Superliganing 17-turida ishlaydigan rasmiylar hamda hakamlar ma’lum bo‘ldi. Bekobod shahrida bo‘lib o‘tadigan “Metallurg” – “Qo‘qon-1912” uchrashuvini, tajribali FIFA referisi Ilgiz Tantashev boshchiligidagi hakamlar guruhi boshqarib boradigan bo‘lishdi. Ilgiz Tantashev bu mavsumda jamoamiz ishtirokidagi ilk o‘yinini o‘tkazadi.
30 avgust, seshanba
METALLURG — QO‘QON-1912
Bekobod. “Metallurg” stadioni. 19:00
Hakamlar: Ilgiz Tantashev, Sherzod Kamarov, Sardor Hakimov, Doston Rahmonov
Nazoratchi: Oleg Dachev
Komissar: Bekzod Aripov.
