"Atletiko" "Tottenxem" himoyachisi Serxio Regilonni ijaraga olganini qachon e’lon qilishi ma’lum bo‘ldi.
Jurnalist Fabrisio Romanoning tarqatgan xabariga ko‘ra, ispaniyalik futbolchi ertaga ertalab Madridga yetib boradi, shundan so‘ng u tibbiy ko‘rikdan o‘tadi va shartnoma imzolaydi.
Eslatib o‘tamiz, Regilon "Tottenxem" bosh murabbiyi Antonio Kontening rejalariga kiritilmagan. Ispaniyalik futbolchi uchun "Atletiko"da joy bor edi, chunki "matraschilar" Renan Lodini "Nottingem Forest" klubiga sotib olish opsiyasi bilan ijaraga bergandi.
Regilon - "Real" tarbiyalanuvchisi. "Atletiko" "Tottenxem"dan futbolchini keyinchalik sotib olish huquqini o‘zida saqlab qoldi.