Angliya va “Manchester Yunayted” terma jamoasining sobiq himoyachisi, hozirda futbol mutaxassisi Rio Ferdinand “Ayaks”ning braziliyalik hujumchisi Antonining “qizil iblislar” safiga o‘tishi haqida gapirdi.

"Antoni transferning katta miqdori tufayli darhol jiddiy bosim ostida qoladi. U yangi klubga, yangi chempionatga o‘tadi. Bu rol o‘ynashi mumkin. Menimcha, Antoni hali “Manchester Yunayted” uchun to‘liq malakali futbolchi emas. U bor-yo‘g‘i 22 yoshda, shuning uchun bu pulni potensial uchun to‘lash ehtimoli ko‘proq. Men undan dastlabki o‘yinlarda gol urishini kutmayman, unga moslashish uchun vaqt kerak bo‘ladi", - deydi Ferdinand.

Avvalroq, "Manchester Yunayted" Antonining transferi uchun taxminan 100 million yevro to‘lashi xabar qilingandi.