"Barselona" hujumchisi Martin Breytueyt ispan klubini tark etadi. Tomonlar shartnomani bekor qilish shartlarini kelishib oldi, deb xabar beradi Sport.es.
"Barselona" futbolchiga bor-yo‘g‘i bir yillik maoshini to‘laydi, 31 yoshli daniyalik esa jamoani tark etadi, garchi uning kataloniyaliklar bilan shartnomasi 2024 yilgacha mo‘ljallangan bo‘lsa-da.
Yakuniy xabar yaqin kelajakda rasmiylashtirilishi kerak.
Breytueyt “Barselona”ga 2020 yilning fevralida kelib qo‘shilgan edi. O‘shandan beri barcha musobaqalarda 57ta o‘yinda hujumchi 10ta gol urdi va beshta golli uzatmani amalga oshirdi.
