"Барселона" ҳужумчиси Мартин Брейтуэйт испан клубини тарк этади. Томонлар шартномани бекор қилиш шартларини келишиб олди, деб хабар беради Sport.es.
"Барселона" футболчига бор-йўғи бир йиллик маошини тўлайди, 31 ёшли даниялик эса жамоани тарк этади, гарчи унинг каталонияликлар билан шартномаси 2024 йилгача мўлжалланган бўлса-да.
Якуний хабар яқин келажакда расмийлаштирилиши керак.
Брейтуэйт “Барселона”га 2020 йилнинг февралида келиб қўшилган эди. Ўшандан бери барча мусобақаларда 57та ўйинда ҳужумчи 10та гол урди ва бешта голли узатмани амалга оширди.