"Bavariya"ning ma’muriy kengashi seshanba kuni bir ovozdan klubning amaldagi prezidenti Gerbert Xaynerni ikkinchi muddatga nomzod sifatida ko‘rsatishga qaror qildi, deb xabar beradi "Bavariya" rasmiy sayti. Saylovlar 15 oktyabr kuni bo‘lib o‘tadi.
68 yoshli Xayner 2019 yilning noyabrida Uli Xyonessdan keyin “Bavariya” prezidenti lavozimini egallagan edi.
“Xayner “Bavariya”ni shu uch yil davomida ham prezident, ham Kuzatuv kengashi raisi sifatida ajoyib tarzda boshqardi. U "Bavariya"ga kerak bo‘lgan hamma narsani birlashtirgan. Uning yuragi "Bavariya" ranglarida, futbolni yaxshi ko‘radi va qarorlar qabul qilishda ko‘p yillik noyob tajribaga ega”, — dedi Ma’muriy kengash raisi Edmund Shtoyber.
