"Бавария"нинг маъмурий кенгаши сешанба куни бир овоздан клубнинг амалдаги президенти Герберт Хайнерни иккинчи муддатга номзод сифатида кўрсатишга қарор қилди, деб хабар беради "Бавария" расмий сайти. Сайловлар 15 октябрь куни бўлиб ўтади.
68 ёшли Хайнер 2019 йилнинг ноябрида Ули Хёнессдан кейин “Бавария” президенти лавозимини эгаллаган эди.
“Хайнер “Бавария”ни шу уч йил давомида ҳам президент, ҳам Кузатув кенгаши раиси сифатида ажойиб тарзда бошқарди. У "Бавария"га керак бўлган ҳамма нарсани бирлаштирган. Унинг юраги "Бавария" рангларида, футболни яхши кўради ва қарорлар қабул қилишда кўп йиллик ноёб тажрибага эга”, — деди Маъмурий кенгаш раиси Эдмунд Штойбер.
