"Manchester Yunayted" bosh murabbiyi Erik ten Xag hujumchi Krishtianu Ronalduning kelajagi haqida gapirdi. Unning so‘zlariga ko‘ra, 37 yoshli portugaliyalik futbolchi "mankunianliklar" klubida qolishdan xursand bo‘ladi.
"Biz Krishtianu bilan bir necha bor gaplashganmiz". Biz bir xil to‘lqindamiz. Ronaldu "MYU"da qolganidan xursand, aks holda u biz bilan birga bo‘lmasdi. Boshidanoq biz birgalikda kelajakni rejalashtirayotganimizni aytdik. Biz u bilan xursandmiz, Krishtianu bu yerda ekanligidan xursand, biz bu mavsumda birga muvaffaqiyat qozonishni istaymiz. U ajoyib o‘yinchi va bizning o‘yinimizga mos tushadi" - dedi ten Xag Sky Sports bilan suhbatda.
Avvalroq "Napoli" 1 sentyabr kuni Ronalduning transferini rasman e’lon qilishi mumkinligi haqida xabar berilgandi.
Joriy mavsumda hujumchi mankunianliklar safida 4 ta uchrashuvda ishtirok etdi va samarali harakatlari bilan ajralib turmadi. Uning klub bilan shartnomasi 2023 yilning 30 iyuniga qadar amal qiladi.
