"Манчестер Юнайтед" бош мураббийи Эрик тен Хаг ҳужумчи Криштиану Роналдунинг келажаги ҳақида гапирди. Уннинг сўзларига кўра, 37 ёшли португалиялик футболчи "манкунианликлар" клубида қолишдан хурсанд бўлади.
"Биз Криштиану билан бир неча бор гаплашганмиз". Биз бир хил тўлқиндамиз. Роналду "МЮ"да қолганидан хурсанд, акс ҳолда у биз билан бирга бўлмасди. Бошиданоқ биз биргаликда келажакни режалаштираётганимизни айтдик. Биз у билан хурсандмиз, Криштиану бу ерда эканлигидан хурсанд, биз бу мавсумда бирга муваффақият қозонишни истаймиз. У ажойиб ўйинчи ва бизнинг ўйинимизга мос тушади" - деди тен Хаг Sky Sports билан суҳбатда.
Аввалроқ "Наполи" 1 сентябрь куни Роналдунинг трансферини расман эълон қилиши мумкинлиги ҳақида хабар берилганди.
Жорий мавсумда ҳужумчи манкунианликлар сафида 4 та учрашувда иштирок этди ва самарали ҳаракатлари билан ажралиб турмади. Унинг клуб билан шартномаси 2023 йилнинг 30 июнига қадар амал қилади.
