“Andijon” ertaga O‘zbekiston Soca-Cola Kubogi chorak finalida AGMK klubini qabul qiladi. Bu yarim final ostonasidagi o‘yin. Barcha e’tibor ushbu uchrashuvga qaratilgan. Bellashuv har tomonlama jiddiy kurashlar ostida o‘tishi shubhasiz.
 
“Andijon” o‘yinning ahamiyatini juda yaxshi his qilib turibdi va maksimal darajada tayyorgarligini davom ettirmoqda. Bunday paytda jamoa a’zolarini ruhan, ma’nan va albatta moddiy tomondan qo‘llab-quvvatlash ham muhim hisoblanadi.

Shu maqsadda “Andijon” futbol klubi prezidenti Jur’atbek Quvvatov mashg‘ulotdan keyin jamoa a’zolari bilan uchrashdi. Avvalo, barchani yana bir bor O‘zbekiston Respublikasining Mustaqillik bayrami bilan tabrikladi. Oldinda juda muhim o‘yin kutayotganini, jamoa hali yarim finalgacha yetib kelmagani, ammo endi bu noxush an’anaga barham berish fursati kelganini aytib, tarixni birga yaratish uchun ajoyib imkoniyat borligini alohida ta’kidladi. Jamoa a’zolarini moddiy tomondan rag‘batlantirish ham amalga oshirilgani e’tiborga molik. Bir so‘z bilan aytganda, barcha harakat va e’tibor chorak final uchrashuviga qaratilgan.

“Andijon” matbuot xizmati.