Amerikalik himoyachi Jon Antoni Bruks Germaniyaning “Volfsburg” jamoasini tark etib, Lissabonning “Benfika” jamoasiga ko‘chib o‘tdi.

29 yoshli futbolchi portugaliya giganti bilan bir yillik shartnoma imzoladi. "Burgutlar" tarkibida u 25-raqam ostida o‘ynaydi.

Eslatib o‘tamiz, Bruks butun faoliyatini Germaniya chempionatida o‘tkazgan. Himoyachi “Volfsburg”dan tashqari, “Gerta” jamoasi sharafini ham himoya qilgan.

AQSH terma jamoasi tarkibida Jon Entoni 45 ta uchrashuv o‘tkazib, uchta gol urgan.

To‘rt turdan keyin “Benfika” 12 ochko jamg‘arib, Primyera turnir jadvalida peshqadamlik qilmoqda.