Америкалик ҳимоячи Жон Антони Брукс Германиянинг “Вольфсбург” жамоасини тарк этиб, Лиссабоннинг “Бенфика” жамоасига кўчиб ўтди.
29 ёшли футболчи португалия гиганти билан бир йиллик шартнома имзолади. "Бургутлар" таркибида у 25-рақам остида ўйнайди.
Эслатиб ўтамиз, Брукс бутун фаолиятини Германия чемпионатида ўтказган. Ҳимоячи “Вольфсбург”дан ташқари, “Герта” жамоаси шарафини ҳам ҳимоя қилган.
АҚШ терма жамоаси таркибида Жон Энтони 45 та учрашув ўтказиб, учта гол урган.
Тўрт турдан кейин “Бенфика” 12 очко жамғариб, Примьера турнир жадвалида пешқадамлик қилмоқда.
