"Barselona" bosh murabbiyi Xavi Ernandes Kataloniya klubini futbolchi sifatida qanday tark etganini esladi.
Sobiq yarim himoyachi o‘zini misol qilib keltirar ekan, jamoadagi avlodlar almashinuvi haqida gapirib o‘tdi: "Bu tabiiy va normal holat, har bir kishi faoliyatini yakunlash arafasida boshdan kechiradi. 35 yoshimda “Barselona”dan shartnomani 3 yilga uzaytirish taklifini oldim, biroq men rad etdim va o‘z imkoniyatlarimni 100 foiz ko‘rsata olmasligimni his qildim”, – dedi Xavi.
Ayni damda "Barselona" faxriylari Xerard Pike va Xordi Alba jamoaning asosiy tarkibiga kirishda qiynalmoqda, bu esa muntazam ravishda matbuotda "ko‘k-anorranglilar" murabbiyiga savollar tug‘dirmoqda.
