"Manchester Siti" va Portugaliya terma jamoasi yarim himoyachisi Bernardu Silva "Barselona"ning transferlar ro‘yxatida qolmoqda. Bu haqda Calciomercato nashri xabar bermoqda.
“Ko‘k-anorranglilar” futbolchini yozgi transfer oynasida qo‘lga kiritishga harakat qilishdi, biroq ular “shaharliklar” bilan kelisha olishmadi. Kataloniya klubi boshliqlari muzokaralar jarayonini yanvar oyida qayta boshlash niyatida.
28 yoshli yarim himoyachining “shahrliklar” bilan tuzgan shartnomasi muddati 2025 yilning yoziga qadar mo‘ljallangan. Uning bozor qiymati 80 million yevroni tashkil qiladi.