"Манчестер Сити" ва Португалия терма жамоаси ярим ҳимоячиси Бернарду Силва "Барселона"нинг трансферлар рўйхатида қолмоқда. Бу ҳақда Calciomercato нашри хабар бермоқда.
“Кўк-анорранглилар” футболчини ёзги трансфер ойнасида қўлга киритишга ҳаракат қилишди, бироқ улар “шаҳарликлар” билан келиша олишмади. Каталония клуби бошлиқлари музокаралар жараёнини январ ойида қайта бошлаш ниятида.
28 ёшли ярим ҳимоячининг “шаҳрликлар” билан тузган шартномаси муддати 2025 йилнинг ёзига қадар мўлжалланган. Унинг бозор қиймати 80 миллион еврони ташкил қилади.