Italiya A Seriyasining 5-turida “Roma” “Udineze”dan javobsiz to‘rtta gol o‘tkazib yuborib, yirik hisobda mag‘lub bo‘ldi. “Roma”ning portugaliyalik murabbiyi Joze Mourinyo o‘yin natijalarini sharhlar ekan, odatdagidek, hakamni noxush gap bilan esladi. Mourinyo jamoalari bungacha A Seriyaning bir o‘yinida to‘rtta gol farqi bilan mag‘lub bo‘lishmagan.
"To‘rt marta 0:1 dan ko‘ra bir marta 0:4 hisobida mag‘lub bo‘lishni afzal ko‘raman. Albatta, bunday mag‘lubiyatdan o‘tish qiyin, ayniqsa muxlislarimiz uchun, lekin payshanba kuni yangi o‘yin bo‘ladi. Bu safar hakamlik borasida ham omadimiz kelmadi, 0:1 hisobida penalti tepishimiz kerak edi, garchi odatda 0:4 hisobida yutqazsangiz, hakamlar ustidan shikoyat qilishning ma’nosi yo‘q", - deya Mourinyoning so‘zlaridan iqtibos keltiradi La Gazzetta Dello Sport.
