"Olimpiakos" himoyachi Marseloni klubning yangi futbolchisi sifatida rasman tanishtirdi.
Klubning uy stadionidagi taqdimot marosimiga 25 000 dan ortiq muxlis tashrif buyurib, ajoyib pirotexnika shousini namoyish etishdi.
3 sentyabr kuni 34 yoshli braziliyalik futbolchi erkin agent sifatida "Olimpiakos"ga o‘tgani ma’lum bo‘ldi. Marselo shartnomasi yakunlanganidan so‘ng "Real"ni tark etdi.
Marselo - "Real Madrid" tarixidagi eng ko‘p mukofot olgan futbolchi. Jamoa bilan birgalikda u 25 ta sovrinni qo‘lga kiritdi. Futbolchi 2007 yildan 2022 yilgacha Madrid klubida o‘ynagan. "Qaymoqranglilar" safida 544 ta uchrashuvda 37 ta gol va 103 ta golli uzatmaga mualliflik qilgan.
