"Олимпиакос" ҳимоячи Марселони клубнинг янги футболчиси сифатида расман таништирди.
Клубнинг уй стадионидаги тақдимот маросимига 25 000 дан ортиқ мухлис ташриф буюриб, ажойиб пиротехника шоусини намойиш этишди.
3 сентябрь куни 34 ёшли бразилиялик футболчи эркин агент сифатида "Олимпиакос"га ўтгани маълум бўлди. Марсело шартномаси якунланганидан сўнг "Реал"ни тарк этди.
Марсело - "Реал Мадрид" тарихидаги энг кўп мукофот олган футболчи. Жамоа билан биргаликда у 25 та совринни қўлга киритди. Футболчи 2007 йилдан 2022 йилгача Мадрид клубида ўйнаган. "Қаймоқранглилар" сафида 544 та учрашувда 37 та гол ва 103 та голли узатмага муаллифлик қилган.
