"Galatasaroy" bosh murabbiyi Okan Buruk "PSJ" hujumchisi Mauro Ikardining ehtimoliy transferi haqida gapirdi.
"Biz Ikardi va Ayxan bilan kelishuvlarni imkon qadar tezroq yakunlashni istaymiz", - deya Buruk so‘zlarini keltirgan jurnalist Yakup Chinar.
Avvalroq, "Galatasaroy" 29 yoshli argentinalik futbolchining ijaraga olishi bo‘yicha kelishuvga erishgani xabar qilingandi. Ikardining turk klubiga transferi chorshanba kuni rasmiylashtirilishi kerak.
Joriy mavsumda Ikardi parijliklar safida birorta ham o‘yin o‘tkazmadi. Uning parijliklar bilan shartnomasi 2024 yilning 30 iyuniga qadar mo‘ljallangan.













