“Manchester Siti” murabbiyi Xosep Gvardiola jamoaga yangi kelgan, norvegiyalik markaziy hujumchi Erling Xoland haqida gapirdi.
"Men har doim barcha musobaqalardagi g‘alabamizga ishonaman, lekin agar biz faqat Xolandga tayansak, Chempionlar ligasida g‘alaba qozona olmaymiz. Erlingning o‘ziga xos fazilatlari bor va u muhim uchrashuvlarda qaror qabul qila olishini istisno qilmayman. Ammo, agar jamoa yaxshi o‘ynamasa, biz Chempionlar ligasida ham, Premyer-ligada ham g‘alaba qozona olmaymiz", - dedi murabbiy.
Angliya Premyer-ligasining joriy mavsumida Xoland oltita o‘yin o‘tkazib, o‘nta gol urdi.
