“Манчестер Сити” мураббийи Хосеп Гвардиола жамоага янги келган, норвегиялик марказий ҳужумчи Эрлинг Холанд ҳақида гапирди.

"Мен ҳар доим барча мусобақалардаги ғалабамизга ишонаман, лекин агар биз фақат Холандга таянсак, Чемпионлар лигасида ғалаба қозона олмаймиз. Эрлингнинг ўзига хос фазилатлари бор ва у муҳим учрашувларда қарор қабул қила олишини истисно қилмайман. Аммо, агар жамоа яхши ўйнамаса, биз Чемпионлар лигасида ҳам, Премьер-лигада ҳам ғалаба қозона олмаймиз", - деди мураббий.

Англия Премьер-лигасининг жорий мавсумида Холанд олтита ўйин ўтказиб, ўнта гол урди.